Medidanan temporal en konekshon ku Coronavirus

Pa limitá e dispersion di e asina yamá Coronavirus (COVID-19), SVB ta hañ’é obligá di tuma medida pa evitá kontakto físiko mas tantu posibel entre hende. Den e kuadro aki SVB a tuma e desishon ku entrante 16 di mart 2020 ta tuma e siguiente medidanan.

 

Inkapasidat pa traha (AO)

De verzekerden welke arbeidsongeschikt zijn hoeven zich op de eerste AO-dag niet te melden bij hun huisarts voor een AO-verklaring. Zij dienen zich vanaf de eerste dag online te melden bij de SVB via: svbcur.org/aomelding.

Aseguradonan ku ta malu NO mester mèldu serka nan dòkter pa risibí un karta ku nan ta malu. Tampoko nan no mester buska e formulario di malesa (karchi hel) serka nan doño di trabou. E asegurado mester mèldu su mes online for di e promé dia ku e ta sinti malu via e link aki: svbcur.org/pap/aomelding .

 

Personanan ku ta risibí penshun di behes, di viuda òf seguro di huérfano(a)

Pa tur e servisionan i kontrol relatá na penshun di behes i viuda òf seguro di huérfano (a) no mester presentá mas na SVB. Pa petishon, kambio, òf pregunta tokante un di e servisionan ariba menshoná, por tuma kontakto ku numbernan di telefòn 434-4603, 434-4604 i 434-4605 òf via e-mail na pensioenen@svbcur.org

Bishítanan den kuadro di ‘prueba di bida’ ta wordu posponé temporalmente. Penshonadonan ku a risibí un ‘oproepbrief’ pa pasa pa kontrol den lunan di mart i aprel no tin nodi pasa serka SVB personalmente. SVB ta supliká nan pa tuma kontakto ku un di e numbernan meshoná ariba.

 

Karchi di Seguro Básiko (BVZ) ku a kaduká

Tur karchi di Seguro básiko ku kaduká entrante 1 di maart te ku 30 di aprel 2020, ta keda prolongá outomátikamente pa dos luna. Pues, aseguradonan no tin nodi bin buska un karchi nobo na SVB si nan karchi a kaduká den e periodo aki.

Solamente aseguradonan nobo i esnan ku nan karchi a kaduká promé ku 1 di maart 2020 mester presentá na departamento di Registrashon personalmente.

 

Registrashon di dunadó di trabou

Registrashon di empleado por tuma luga via e siguiente e-mail:

registratie@svbcur.org
Si tin falta di informashon òf SVB mester di informashon adishonal, un empleado di departamento di Registrashon lo tuma kontakto ku e doño di trabou.

 

Registrashon serka un dentista.

Pa registrashon serka un dentista e formulario di inskripshon i tur informashon mester wordu manda via di e-mail. E-mail pa registrá serka un dentista ta registratie@svbcur.org

 

Aprobashon pa resèpt

Tin resèpt ku mester di aprobashon promé ku e asegurado risibí e remedi of produkto. E botika mester manda e resept pa aprobashon na e siguiente e-mail adres:

recept@svbcur.org

Pues no tin nodi pasa serka SVB pa haña aprobashon pa resèpt.

 

Pago

Pa loke ta trata tur dokumentonan adishonal ku mester bai huntu ku fakturanan ku keda entregá via di zorgportaal; Mester scan i manda nan pa declarati@svbcur.org.

 

Handsanitizers
SVB ta pidi tur persona ku bishita SVB pa hasi uso di e diferente handsanitizersnan ku tin den e diferente edifisionan.

*
SVB ta enfatisá ku e lo sigi brinda tur su servisionan pa nos komunidat. Pa medio di e medidanan aki SVB ta aportá den e esfuerso pa limitá e riesgonan di Coronavirus. SVB ta konfia riba boso komprenshon i kooperashon pa ku e medidanan temporal aki.

Stichting R.K. Centraal Schoolbestuur - © 2020