Henter e famia di Fatima College kier a yama bon biní na nos koleganan nobo ku ta yùfrou Jamila(grupo 5) i mener Frencel (grupo 7).Nos skol a keda bendishoná ku dos pèrsona sumamente talentoso. Nos tin sigur ku boso lo usa boso talento pa hiba nos muchanan dilanti.Kòrda ta trabou tin.

Bishita di Engelly Ludowika na Fatima College

Nos skol a keda previligiá ku bishita di Engelly serka nos muchanan. E gran kantante i interprete a duna nos muchanan di grupo 7 i grupo 8 un sorpresa grandi, kantando Heaven. E muchanan a kanta i gosa hopi kuné.

Selebrashon di siman di kultura na Fatima College

Fatima College a habri siman di kultura den grandi. Siklo 1 tabata di bishita na Sentro di Bario Bonam, serka tio Cheo Zimmerman pa siña traha diferente kos, e.o. piská, yabero, kadena i hopi kos mas di koko. Siklo 2 a siña hopi for di e diferente tayernan ku skol a ofresé. Ta trata di e siguiente tayernan: baile, kushina, drama, kanto/músika,  traha instrumènt i traha ku kalbas.

Klousura di siman di kultura

Despues ku alumnonan a tuma parti na e diferente tayernan skol a sera e siman kultural na un manera tur afó.Tabatin presentashon di e diferente gruponan ku a kanta, balia, kushiná, deklamá i tabatin eksposishon di e diferente instrumènt i otro obranan di arte ku e alumnonan a krea.