Inisio

 Historia

 Tim

 Komishon

 Tema

 Regla

 

E informashon aki ta spesial pa mayornan di alumnonan di Fatima College.  
Aki mayornan por haña informashon importante relashoná ku skol.  Ku e fuente di informashon aki nos di Komunidat di skol Fatima kier logra ku skol i mayor por traha den un forma efisiente na bienestar di e alumno en partikular i e skol en general.                                                  
Den kaso ku tin informashon ku komo mayor bo no a haña ,por aserká skol pa e informashon ku bo ke. 
Pa ta mas efisiente ta mihó traha un sita ku e pèrsona ku bo kier papia kuné.                                                                           
E aña eskolar aki pèrsonal di Fatima College ta bai bira un poko mas estrikto poniendo atenshon na algun regla. 
Meta di esaki ta pa krea un ambiente di siña muchu mas positivo pa tur alumno i traha na un formashon mas kompletu i positivo di nos alumnonan. Pa esaki nos kier pidi koperashon kompletu di tur mayor di nos alumnonan. Un petishon spesial di nos parti na abo ta pa sòru pa bo ta na altura di loke skol ta spera di bo yu i abo komo mayor. No solamente ta na altura di loke skol ta spera, pero kumpli ku nan tambe. Esei lo kontribuí pa huntu nos forma bo yu mas optimal posibel. Semper porta di skol ta habrí pa kualke pregunta, sugerensia òf komentario. Kòrda traha un sita pa nos por atendé bo.       
Nos ta spera ku mayornan ta haña un bon idea kiko konhuntamente nos kier logra ku nos alumnonan i e skol lesando e dokumentu aki.               
Finalmente mi kier deseá abo i bo yu un aña eskolar eksitoso den e sentido mas amplio di e palabra. Tur kos bon.

Un saludo kòrdial,

Mirela Haddocks-Clarissa i Norval Faneyte

Tim di maneho

 
 

Kiko skol ta ofresé

 

Skol mester tin e mucha na pechu. Pa logra esaki ta nesesario pa tantu alumno, pèrsonal di skol i mayor koperá ku otro pa alkansá formashon optimal dje yu. Tantu riba tereno intelektual, sosial-emoshonal, kreativo komo motóriko.

         Na skol e mucha mester sintié na kas.

·        E mucha mester por identifiká su mes ku skol.

·        Esfera mester ta agradabel.

·        E mucha mester haña konosementu, pero tambe abilidat pa por funshoná den su bida di tur dia.

·        Hasi un kontribushon positivo na formashon di norma i balor, balor propio, amor, konfiansa, rèspèt, komportashon positivo, produktividat, disiplina, perseveransha, responsabilidat i independensha na desaroyo di e alumno.

·        Krea posibilidat pa siña e alumno kon pa traha huntu.

·        Sòru pa kalidat pa medio di evaluashon sistemátiko.

·        Alumno mester tin konfiansa den pèrsonal i sinti su mes sigur.

·        Pèrsonal mester stima kada alumno i duna tur mucha sufisiente atenshon.

·        Miembronan di pèrsonal ta anda ku rèspèt ku otro i ta sostené otro riba tereno di trabou.

·        Bon komunikashon ku mayor ta importante.

Resumiendo por bisa ku: “Un skol den akshon, kaminda alumno, mayor i pèrsonal ta partisipá aktivo i ta responsabel pa duna aporte na desaroyo sano dje alumno pa e alumno di awe por bira un siudadano balioso mañan”.

 

 

Animated BookBiblioteka  
 

Fatima College tin un biblioteka ku un kantidat di buki di diferente sorto ku nos alumnonan por fia. E biblioteka ta un otro medio ku por yuda alumnonan den nan desaroyo. Tur aña di nobo tin un grupo di mayor ku ta hasi e trabou ku mester hasi den biblioteka. Nan ta hasi un trabou formidabel. Sin nan sosten ta mas difísil pa alumnonan hasi uzo di e bukinan ku tin na skol.
E aña aki tambe nos tin mester di sosten di mayornan pa e biblioteka funshoná. Nos ta konta ku ora aserká mayornan ku nos lo haña e koperashon nesesario.

Un súplika na mayornan ta pa yuda den kuido di e bukinan. Buki ta karu. I skol no tin hopi medio pa kumpra buki nobo konstantemente.

Tur alumno mester kubri gastu di e buki ku e kibra òf pèrdè. Kada alumno ta bai biblioteka un biaha pa siman pa kambia buki.

Por fabor, mayornan lesa huntu ku boso yunan. Tur dia un tiki ta yuda hopi.

 

 

Animated BookBiblioteka  
 

Fatima College tin un biblioteka ku un kantidat di buki di diferente sorto ku nos alumnonan por fia. E biblioteka ta un otro medio ku por yuda alumnonan den nan desaroyo. Tur aña di nobo tin un grupo di mayor ku ta hasi e trabou ku mester hasi den biblioteka. Nan ta hasi un trabou formidabel. Sin nan sosten ta mas difísil pa alumnonan hasi uzo di e bukinan ku tin na skol.
E aña aki tambe nos tin mester di sosten di mayornan pa e biblioteka funshoná. Nos ta konta ku ora aserká mayornan ku nos lo haña e koperashon nesesario.

Un súplika na mayornan ta pa yuda den kuido di e bukinan. Buki ta karu. I skol no tin hopi medio pa kumpra buki nobo konstantemente.

Tur alumno mester kubri gastu di e buki ku e kibra òf pèrdè. Kada alumno ta bai biblioteka un biaha pa siman pa kambia buki.

Por fabor, mayornan lesa huntu ku boso yunan. Tur dia un tiki ta yuda hopi.

 

 

Hùiswèrk

 

1.       Tur alumno tin un tas di skol i tur alumno di klas 2 te ku klas 6 tin un agènda.

2.       Kada alumno ta traha su mes hùiswèrk.

3.       Alumnonan lo por haña hùiswèrk di djaluna te djabièrnè. En prinsipio lo no tin trahamentu di hùiswèrk den wikènt. Si ta nesesario lo tin eksepshon pa alumnonan di klas 6. Pues nan sí por haña hùiswèrk den wikènt.

 

 


border="0" width="387" height="93">