Historia di skol preparatorio Fatima College.
 

Hopi aña pasá, pa motibu di skarsedat òf pa falta di un skol preparatorio den e bario di Suffisant muchanan di Suffisant  tabata haña lès den un parti di "Shell Recreatie Centrum", aworaki Klup di Shèl.

Na aña 1962 nan a rekonstruí e edifisio chikí di Klup di sürnamnan na Marowijnestraat i hasié un skol preparatorio. Señora Reuzer e tempu ei kabes di skol di Fatima College tabata dirigí e skol. E tempu ei e úniko skol básiko den bario. E tabata konsistí di dos klas. E promé yùfrounan ku a traha na Fatima skol preparatorio ta: yùfrou Agnes i yùfrou Yolanda.

Fatima skol preparatorio tin su nòmber danki na un lugá chikí Fatima ku ta keda na e pais Madeira. (Antes tabatin hopi portugues ta biba na Suffisant)

Tambe nos konosé den bario, misa katóliko Fatima i skol básiko Fatima ku tabatin e nòmber promé. (ounke esaki tabata keda un tiki mas leu e tempu ei)

E lugá Fatima ta asina konosí, pasobra La Birgen a aparesé un par di bia na tres mucha einan.

Un tiki mas leu den bario tin e skol Emmy Berthold, ántes skol preparatorio so, awor skol di fundeshi. Antes tabatin 2 skol básiko den Suffisant: Fatima i Xaverius College, kual Fatima skol preparatorio tabatin bon kontakto ku nan. Despues di tempu esakinan tambe a bira un skol. Muchanan for di tur gremio di komunidat tabata bishitá e skol. Mayoria mucha tabata yega skol òf bai kas ku bùs aboná òf nan mayornan mes tabata bin buska  nan.

Fatima College

Fatima College ta un skol di Direktiva di Skolnan Katóliko i ta situá,  pegá ku misa di Suffisant.
Adrès: Maasstraat z/n òf Fatimaweg 12.
Tel./faks skol básiko: 8685370(Klas 3 te ku 6)
Tel./faks: 8686089(Siklo 1).
Entrante aña eskolar 2002-2003 a integrá  (“cluster”)  Fatima Kleuterschool, Fatima College i St Xaverius College. Esaki ta nifiká ku awor e tres skolnan aki huntu a bira un skol segun e idea di Enseñansa di Fundeshi.
E aña aki nos a drenta e di seis aña di Enseñansa di Fundeshi. E aña aki klas 4 tambe ta kai bou di Enseñansa di Fundeshi komo grupo 6. Na e momentu aki Komunidat di Skol Fatima ta konsistí en total di 22 klas.