Regla di skol     

Den página aki nos ke pone mayornan na altura di nos guia di skol.                                
Tambe nos ke laga mayornan wak ta kua ta e reglanan ku nos ta apliká na skol.
Kòmbersá ku bo yu tokante di e  reglanan aki!
Aki ta sigui nos guia di skol:

Ora di skol                                      
Skol ta  kuminsá  7.30  i  ta  kaba  12.30
Tur mucha mester ta  na tempu.
Kòrda ku tur mucha entre  6 –15  aña mester ta  na skol tur dia en  konekshon ku  enseñansa  obligatorio.  
Si bo yu bini skol lat  pa kualkier motibu , e mester presentá ku karta firmá dor  di  mayor.

Faltamentu di  skol.  
Ora  e mucha  falta  skol e mester trese karta  di kas, firmá dor  di  mayor  solamente.  
Si  e mucha  falta skol hopi sin  karta di  kas, su  nòmber ta wòrdu  kitá for  di  lista i  un  karta  ta bai R.K. Schoolbestuur.
Si e mucha bini  skol bèk sin karta di  mayor e ta haña “straf”

Bistimentu
Na skol nos tin UNIFORM
E ünifòrm ta: karson blou òf jeans” blou  ku  faha  
ta: un  polo  di  kualke  koló.  
E kabei tambe mester ta na  òrdu, no laga e mucha bini skol ku  pelá straño pa  asina otro mucha no tenté i  asina  trese problema  ku  no  ta  nesesario.  
Mucha hòmber : sin renchi di  orea, sin  staartje, strepi  ets….  
Mucha  muhé   : sin  “make up”, uña pintá ets.…

Landamentu
Muchanan ku ta haña lès di landamentu mester tin nan pañanan di landa serka nan den un tas. Nos ke hala atenshon di mayornan ku esaki ta un lès meskos ku tur otro. Si  e mucha no tin mag di landa e mester un karta di dòkter.

Hasimentu  di  aña  
Nos ta preferá pa e muchanan pasa un dia kontentu.
Si bo yu ke parti algu na skol preferibel algu  salú.
Por haña tep serka nos.

Komportashon                                
Nos ta sali for di punto di bista ku bo yu ta siña manera na kas.
Na skol nos ta pone hopi atenshon na un bon komportashon ku otro.
KORDA  PAPIA  KU  BO YU  RIBA  E  REGLANAN  DI KOMPORTASHON!!!

NO  TIN  MAG  DI  BINI  SKOL  KU  ARMA ,  DROGA ÒF TELEFÒN SELULAR.
TIN  POSIBILIDAT  KU  E  TAS  TA  WÒRDU  KONTROLÁ   REGULARMENTE.

Material di skol      
Tur mucha  mester  kuida  nan material di skol. Si e yu kibra  algu pa malu, responsabilidat ta pa mayor.  
Si bo yu bini kas ku kosnan ku no ta di dje, tuma kontakto ku skol.  
Kontrolá tas di bo yu regularmente i tenel’é  limpi.