Nos identidat 

Introdukshon
Nos   skol  ta  un  skol  spesial MLK.                                                        

Kiko  ta  un  skol spesial MLK?
Esaki  ta  un  skol pa  un  mucha  ku  ta  siña  ku  difikultat.

Kon  nos  ta  traha?
Nos  ta  traha den un klima di  amor, komprenshon i konfiansa,strukturá i ordená usando métodonan i téknikanan spesial pa  koregí komportashon problemátiko i  duna  lès na un manera diferensiá.

Esaki ke men  ku  e  mucha  ta traha den grupo na  su nivel, e ta  haña enseñansa i formashon na un manera spesial i individual.

Na nos  skol  nos  no  ta papia di  “klas”, pero di  grupo. Nos tin  seis grupo na skol. E gruponan ta partí  teniendo kuenta  ku  edat i tambe teniendo kuenta ku nan nivel di  komprondementu i funshonamentu.

E gruponan ta chikí, pa  asina por duna mas tantu  atenshon individual ku ta posibel na kada mucha si esaki ta nesesario.

E mucha no ta keda sinta  nunka.

Nos ta traha riba tres aspekto:  

• Sosial-emoshonal
• Òrtopedagógiko
• didáktiko