Tur SBO di RK ta duna diploma rekonosé

Nos por garantisá ku e estudionan na Maris Stella SBO, Rk MTS, Frater Aurelio i Eligia Martir ta kuadra ku tur eksigensia i e diplomanan ta rekonosé. Nos a konstatá ku nos skolnan di SBO tabata sentro di atenshon den diferente korant algun dia pasá ku nòmber i fam. Nos ke gradisí pa e atenshon duná na nos skolnan. Tur alumno i mayor ta bon bini pa inskribí na nos 4 skolnan di SBO kualnan ta:
Maris Stella SBO, Rk MTS, Frater Aurelio i Eligia Martir. Paso tur e opleidingen na tur e 4 skolnan ta rekonosé. Nos por garantisá un diploma rekonosé. Ku orguyo nos por bisa ku nos skolnan ta traha inkansabel tur dia pa loke ta bon kaba bira mas bon. Tuma kontakto ku Eligia Martir si bo ke bai hasi un estudio rekonosé den e sektor di kuido i bienestar. E skol ta forma profeshonalnan integro, ku amor pa e trabou, ku empatia i ku e aktitut korekto pa ehersé e kuido nesesario. Nan “opleidingnan” ta tòp te hasta nan ta haña petishon di doñonan di trabou kaminda nan studiantenan ta kore stazje, pa nan duna e empleadonan tambe lès pa nan trahadónan por haña un diploma rekonosé. Tuma kontakto ku RK MTS si bo ke un “opleiding” den techniek ku ta rekonosé. Nan ta traha den estrecho koperashon ku kompanianan grandi kaminda e hóbennan por kore stazje.
Anto si bo ke bai den Horeca i Turismo, no tin riba Maris Stella SBO. Bo ta kòrda Kòki riba Kòki, awel bo mes sa. Tambe nan tin opleiding Brood en banket i opleiding pa pelukero. Diferente posibilidat tin pa bo.
Frater Aurelio su nòmber ta plamá tur kaminda komo un di e skolnan ku su hóbennan durante stage ta ekselá. Pa Administratie en Commercie, IT, secretarieel, juridisch etc, ta na Frater Aurelio mes bo mester ta. No tin riba dje.
Danki na kada personal di e skolnan di SBO ku ta traha duru i inkansabel.

Stichting R.K. Centraal Schoolbestuur - © 2018