selebrashon di 50 aña R.K Centraal Schoolbestuur

Felis dia,

Mañan RK schoolbestuur ta kuminsá ku selebrashon di 50 aña Rk den bachi nobo. Skolnan ta sera i tur maestro i personal atministrativo lo partisipá na un discovery hunt.

Personal di RK, 1200 persona lo keda repartí riba 3 misa pa e apertura i komienso di e discovery hunt.

Nos derecho di eksistensia ta iglesia katóliko, djei nos ta sali pa kuminsá e ruta di siña i deskubrí.

E misanan ta misa di Steenrijk, misa di Groot Kwartier i misa di Suffisant.

Despues di e mensahe di felisitashon di nos direktora general, sra. Van Lamoen-Garmers,
Presidente di hunta di supervishon Sr. Duits, nos Obispu mgr. Luis Secco e señal pa start lo keda duná.

For di kada misa lo sali 300 outo ku 4 persona aden pa kuminsá nan ruta di deskubrí i siña.

Na final tur hende lo topa na WTC pa klousura di e discovery.

Organisashon di e discovery hunt ta den man di sr. Chehadi Eddine.

Ku e aktividat di formashon aki nos ke promové e abilidatnan importante pa siglo 21 ku ta entre otro:
Liderasko, pensamentu krítiko i kreativo pa solushoná problema, komunikashon, siña aktivo dor di deskubrí etc.

Ku hopi entusiasmo nos a organisá e dia di formashon aki, pa no solamente papia i splika e abilidatnan di 21 siglo, manera nos a hasi diferente biaha kaba, pero pa laga eksperensia esaki tambe.

Pabien i danki na tur nos personal di RK. Pronto nos lo organisá un yama danki tambe pa tur ex personal i amigu i kolaboradornan ku semper a sostené RK Schoolbestuur.

L. Van Lamoen-Garmers

Stichting R.K. Centraal Schoolbestuur - © 2020